نووسراوەی ئەویندارانە بۆ ڕۆژی دایک 

 فاتمە حسێینی 

❤️ هەر کات تماشا دایکم ئەکەم به خاوێنترین ئەوینێ کە هەتا ئێستا ناسیومە تماشا ئەکەم.

❤️”دایک” کەسێکە کە ئەتوانێ جێی چۆڵیی هەموو کەسان پڕ کات، بەڵام کەس ناتوانێ جێی چۆڵیی ئەو بگرێ.

❤️ “دایک” تەنیا کەسێک بوو کە گوتی:”خۆشم ئەوێی” و پێکەنینم نەهات.

❤️دەنگی پێکەنینی دایکم تەنانەت خەفەتەکانیشمی وەپێکەنین خستوون.

❤️من بەقا ئەکەم بە “ئەڤین لە چاوترووکانێک”، چونکە یەکەم جار کە چاوم هەڵێنا دایکم دیت.

❤️واز لە ناسنامە بهێنە، شوێنی وەدیهاتنی من باوەش گەرم و پڕ لە خۆشەویستیی تۆیە ،دایە!

❤️”دایک” تەنیا دەوایەکە کە هەر حاڵی خراوێک باش ئەکاتەوە.

❤️”دایک” کەسێک نییە کە پاڵی پێ بدەی بەڵکوو کەسێکە کە ئێمە لە پاڵدانەوە بە خەڵکانی تر بێنیاز ئەکات.

❤️نه زوڵم ئەتوانێ سەرم بچەمێنێ، نە مەرگ، نە ترس، تەنیا بۆ ماچکردنی دەسی تۆ سەرم ئەچەمێنم.

❤️خورپەی دڵت بۆ من هەناسەیە.

❤️بە دوای تێپەڕاندنی ماوەیەکی دوورودرێژ ئێستاش هەر خورپەی دڵی تو لاوێنەری ڕۆحی هیلاکی منە، دایە!

❤️ دایە! ئاهەنگی دەنگی تۆ جوانترین گۆرانیی ژیانم، هەناسەکانت تەنیا بیانووی هەناسەکێشانم و بوونت تەنیا هۆکاری زیندووبوونمە.

❤️ دایە! ڕەنگە بۆ جیهان تاکەکەس بی، بەڵام بۆ من تەواو جیهانی.

❤️لە مەرگ ناترسم بەس دڵپەشێوم لە حەشروحەلای ئەو دنیا دایکم نەدۆزمەوە.

❤️”دایک” ئەنووسرێت بەڵام “مەلائیکەت” ئەخوێندرێتەوە.

❤️دیانم شکا لەبەر زخۆرێک کە لەناو چێشتەکەم بوو. ژانم هات، نە لە بەر دیانم، بۆ کەمبوونی سۆمای چاوی دایکم.

❤️دایکم بەردەوام ئاگای لە خەمەکانمان بوو، بەڵام قەت باسی خەمەکانی خۆی نەکرد.

❤️زۆر “نەبوون” هەیە کە هیچ “بوون”ێک قەرەبوویان ناکات و زۆرن مرۆڤگەلێک کە قەت دووپاتە نابنەوە و تۆ هەر بەو جۆرەی، دایە!

❤️قەرزداری خۆشەویستیی کەسێکم کە هەر لە مناڵی بانگی ئەکردم، “کوڕم!” / “کچم!”.

❤️ دایە گیان! پێڵاوت سەر چاوەکانم دانێ با چاوم بینەری بەهەشت بێ.

❤️دایە! جاران تەنیا چاوەکانتم خۆش دەویست، بەڵام ئێستا چرچولۆچیی دەوریشم خۆش ئەوێ.

❤️ لەلای دایکت که بی، وەرزی ساردی زستان بوونی نییە.

❤️دایکت لە باوەش گرە لەپێش ئەوەی کە وێنەکەی لە باوەش گری. هیچ شتێک لەم دنیا گرینگتر لە بوونی دایک نییە.

❤️باشترین دەوا بۆ سەرئێشان لەچکەی دایکە.

❤️بەهەشت بەردەوام باوەشی تۆیە، دایە!

❤️دایە گیان! ڕاستە کە ئەڵێن ماڵی بێدایک قەبرەستانە و خاکی پێی دایکان سورمەی چاوانە.

❤️من چیرۆکی تۆ هەتا کۆتاییی جیهان ئاوها ئەڵێم:”یەکێ هەبوو، ئێستاش هەیە، خوایە هەمیشە بێ!”.

❤️ژیان یانی بوونی تۆ و دڵخۆشیی من بە بوونت.

❤️تۆ جوانترین سەردێڕی ژیانی منی.

❤️چرچولۆچییەکانی دەموچاوت نووسراوەی ئەویندارانەیە کە هەر کات لە خەیاڵم وەدی دێن.

 

سەرچاوە:

  • www.setare.com
  • www.topnaz.com

وەرگێڕان: فاتمە حسێینی

دەنگ بدەن بەم نووسراوە:

زۆر ناخۆشناخۆشمامناوەندخۆشزۆر خۆش
Loading…

فاتمە حسێینی

وەختێک کە بە کوردی ئەنووسم هەست ئەکەم تازە لەدایک بووم.

ئەم پۆستە خاوەنی 7 بۆچوونە

  1. سابیر کەمەرخانی

    زۆر زۆر تایبەت.بژین و بەردەوام بن

  2. نەناسراو

    هەربژین زۆر عالـــــــــــــــــــــــــــــــــــــــــــــــــــــی سرنج ڕاکێش

  3. نەناسراو

    شیاوی سەرنجە خاتوون،بەردەوام بیت چاوەکەم❤

بۆچوونتان لە ژێرەوە بنووسن (بڵاوکردنەوە دوای پێداچوونەوەیە!):