شێعری «فرمێسکی ڕنوو» بەرهەمێکی بەچێژی مامۆستای پایەبەرز؛ «هێمنی موکریانی»یە. لەم کلیپەدا دەبینن کە لە بەرنامەیەکدا مامۆستا، خۆی بە دەنگ و هەستی خۆی ئەم شێعرە دەخوێنێتەوە. بینەر و بیسەری بن و سەرنجدان بە ڕێنووسی کلیپەکەتان بیر نەچێت، تکایە!

جێی سەرنجە، بەکارهێنانی وشەی «دین» بە سێ واتا لەم شێعرەدا دە پێشدا هونەر و ژیریی مامۆستا هێمن دەردەخات و لە دواتر، دەوڵەمەندیی زمانی کوردی بۆ دەربڕینی هەست و واتا پیشانی خوێنەر و بیسەر دەدات.













شێعر:

تۆ کوتت: «من عاشقی سەوداسەر و دینم دەوێ»

من کوتم: «تاکوو بە ئاواتت بگەی دینم دەوێ»

هەڵکەوێ تاوێکی، چاوێکی لە دیدارت بکەم

تا بزانی کوانێ بۆ جوانێ دڵ و دینم دەوێ؟

بزگوڕی ڕەش دابپۆشێ ڕوومەتی گەش تا بە کەی؟

شاعیری گەشبینم و کوا چاوی ڕەشبینم دەوێ؟

ئەی پەریزادی مەهابادی! ئەتۆ ون بووی لە من

تۆم هەبێ کوانێ پەریزادە و پەریچینم دەوێ؟

ڕووتم و یاقووت و ئاوریشمم لەبیر ناچێتەوە

لێوی سوور و ئاو و بسکی خاو و چینچینم دەوێ

شاعیر: هێمنی موکریانی

خوێندنەوە: هێمنی موکریانی

دەنگ بدەن بەم کلیپە:

زۆر ناخۆشناخۆشمامناوەندخۆشزۆر خۆش
Loading…

بۆچوونتان لە ژێرەوە بنووسن (بڵاوکردنەوە دوای پێداچوونەوەیە!):