ژینی «هێمن» و «زیرەک» لە شێعرێکدا 

ئەحەد خزری 

/

بە دەنگی «حەسەن زیرەک»:

(بە کەمێک گۆڕانکاری)

دەقی هۆنراوەکەی مامۆستا «هێمن»:

قەت لە دنیادا نەبوو بێجگە لە ناخۆشی بەشم 
مات و داماو و پەشێو و بێکەس و چارەڕشم 
سەردەمێک ئاوارە بووم و ماوەیەکیش دەسبەسەر 
نەمدی ڕووی ئاسوودەیی، هەر تووشی گێرە و قەرقەشم 
دابی کوردی وایە، کەس لاگیری لێقەوماو نییە
بۆچی سەرکۆنەی بکەم لێم زیزە یاری مەهوەشم
تیغی بێمەیلی و جەفای ئەو نازەنینە دڵڕەقە
جەرگی لەت کردم بەجارێک ئەنجنیویە سینەشم
کوشتمی و شەش خانی ئومێدی لە من گرتن حەریف
مۆرە هەڵداوێم و بێهوودە بەهیوای دووشەشم
نابینی زەردە لەسەر لێوی کەسێ لەم شارەدا
گەر خەم و دەردی دڵی خۆمیان بە سەردا دابەشم
خۆشەویستی گۆشەکەی تەنیایی هەر ئەژنۆکەمە
بۆیە ڕۆژ و شەو وەها گرتوومەتە نێو باوەشم
نایەڵێ دوژمن بە ڕنگە زەردەکەی من پێکەنێ
تا دەمی مردن ئەمن مەمنوونی فرمێسکی گەشم
شاعیرێکی ڕاست و یەکڕووم و فیداکار و نەبەز
کوردە! موحتاجی محەک نیم، زێری بێ غەلل و غەشم

سەرچاوەی شێعر:

 شیخ‌السلامی مکری، سید محمدامین. تاریک و ڕوون. انتشارات کردستان، ١٣٩٨.

دەنگ بدەن بەم نووسراوە:

١ ئەستێرە٢ ئەستێرە٣ ئەستێرە٤ ئەستێرە٥ ئەستێرە

Loading…

ئەحەد خزری

ئەگەر زمانی دایکیت نەزانیت، فیلسووفیش بی، هێشتا نەزانیت.

ئەم پۆستە خاوەنی 4 بۆچوونە.

  1. فاتمە حسێینی

    سپاس . زۆر دڵگر و بە هەست بوو.

    1. نەناسراو

      ڕێزم ھەیە بۆ دەر بڕین دەنگی خۆتان

بۆچوونتان لە ژێرەوە بنووسن: