ئاردەکە ٢ یان ٣ جار هێڵەک بکەن کە هەویرەکەتان جوانتر و ناسکتر بێ. خوێکەشی بکەن بان ئاردەکەی و تێکەڵی کەن. لیوانێ ئاوتان هەبوو کە تۆزتۆزە بە ئاردەکەتان زیاد کەن و بیشێلن هەتا هەویرەکە بە دەستتان نەلیچکێ. (ئەگەر هەموو ئاوەکەی یەک تەکان بکەن ناو ئاردەکەی هەویرەکە جوان دەرنایە). وەختێک کە هەویر بە دەستتان نەلیچکا بیخەن ناو تەشتێک و دەسرەیەکی (دەسماڵ) لە سەر خەن و بۆ ماوەی ٣ کاتژمێر لە جێگایەکی گەرمی دانێن تا هەویرەکەتان هەڵ بێ (لە چێشتخانە داینێن). دوای ٣ کاتژمێر کە هەویرەکە تەقریبەن دوو هێندە بوو بیهێنن بەردەستتان و ١٠ خولەکی تر بیشێلن . له سەر سینی (پنە / کەشەف) تۆزێ ئارد بڕێژن و کەمێ لە هەویرەکە (بەقەد پڕتەقاڵێک) هەڵگرن و لەسەر سینییەکە بەقەد نانی لەواشێک ناسکی کەن.