گڕی ئەوینی لەیلی و مەجنوونە…

شاعیر: شەرمین ئیبراهیم ئاقا

پرسیار کرا لە مەجنوونی شەیدا

چ هۆیەک لەناو دڵت بوو پەیدا

کە وا گرتووتە نووکی پێنووسی

بۆ کێیە کە وا نامە دەنووسی؟

وتی ڕاهێنان دەکەم بە نامە

بزانم لەیلی مەیلی لەلامە

تا سوکنایی بێت مێشک و خاترم

بۆ وی گیانفیدام، هەردەم حازرم

تیری مژۆڵی ئەگریجەخاوی

ئامان! ئەو دڵە چۆن کەوتە داوی

سەرگەردانە دڵ لە عەشقی لەیلی

تۆ بڵێی ساتێ کەم ببێ مەیلی؟

ئەی! من بەفیدای ڕۆژێ هەزار جار!

ئەوین و ئەشقی بۆتە پیشە و کار

هەر من بەهیوای ویساڵی ئەوم

لێشم حەرام بووە خواردن و خەوم

مەجنوون کە نێوی دەرکرد لە شاران

دەگیرساوە لە گۆشە و کەناران

بە هۆی ئەوینی ڕاستەقینە بوو

عەشقی نێوانیان لەمێژینە بوو

گڕی ئەوینی لەیلی و مەجنوونە

لەنێو ئاشقان بۆتە نموونە

سەدان شاعیریان کردە بە شاعیر

کردیان بە خاوەن هەست و هزر و بیر

یا ڕەب! بۆ خاتر خودای کردەگار

ڕیگای ئەوینو هیچ کات نەبێ لار

دەنگدان:

زۆر ناخۆشناخۆشمامناوەندخۆشزۆر خۆش
Loading…

شەرمین ئیبراهیم ئاقا

هیوام بە خودایە.

ئەم پۆستە خاوەنی 6 بۆچوونە

  1. فاتمە حسێینی

    زۆر جوان و بە هەست بوو . بەردەوام بن

  2. نەناسراو

    براستی عالی دستت خوش بی خوزگه لیلای منیش گراباوه♥️♥️♥️

  3. Mohamad

    دستت خوش بی براستی بی وینه ی خاتونی بریز
    من و لیلام هرگیز پیک ناگین

  4. شادی پوورمەند

    دەستت خۆش بێ خوشکی گەورە زۆر جوان بوو
    بێ وێنەی گیانەکەم❤

بۆچوونتان لە ژێرەوە بنووسن (بڵاوکردنەوە دوای پێداچوونەوەیە!):