ناوە جۆربەجۆرەکانی بارین لە کوردیدا

سومەییە ڕەمەزانی

زمانی کوردی زۆر دەوڵەمەند و پتەوە لە بواری وشە و نێوەکان.
ئەوەش چەند نمونە لە نێوە جوانەکانی زمانی کوردی بۆ کاتی بەفر و باران:

١

ڕەهێڵە:

ڕێژنە بارانی توند و بەکوڵەکوڵ یا دەتوانین بڵێین بەخوڕ بارین

٢

دوودانگ یا شڵێوە:

بەفر و باران یەکڕا دەبارێن.

٣

پرووشە/بۆڕۆش:

بارینی بەفر بەشێوەی دەنکی بچووک

٤

تەرزە:

بارینی باران بەشێوەی تۆپەڵە سەهۆڵ

٥

پەپوولە باران:

بارینی هێواش و ئارامی بەفری ویشک وەک هەڵفڕینی بەرز و نزمی پەپوولەکان

٦

کڕێوه:

بارینی بەفر لەگەڵ بای توند و خێرا و سارد کە زۆرتر لە بەرزایی ڕوو دەدات.

٧

لاسامە:

بارینی باران یا بەفری لەڕادەبەدەر ڕێدراو کە دەبێتە هۆی زەرەر و خەسارەت

٨

زوقم:

ساردیی زۆر و هێندێک جار بارانی نزم بێ ئەوەی ئاسمان هەوری لێ بێ کە دەتوانێ ببێتە بەستەڵەک.

٩

بۆران:

 باران و بەفری بەردەوام و بارستایی زۆر

لە زمانەکانی دیکە ئاوا بەوردی ئاماژە بەو نێوانە نەکراوە. ئەوە نیشانەی دەوڵەمەندی و پتەویی زمانی کوردییە. ئێستا ئەگە چاو لە کەشوھەوای بکەن جا چ بە زمانی ئینگلیزی یاخۆ فارسی دەبینن کە چۆن نووسراوە:
لە زمانی فارسی نووسراوە:(بارش هم زمان برف و باران)
یا بە ئینگلیزی نووسراوە:(Rain and snow mixed)
ئەی لە زمانی کوردی ؟؟؟

دەنگدان:

زۆر ناخۆشناخۆشمامناوەندخۆشزۆر خۆش
Loading…

سومەییە ڕەمەزانی

من پێشەنگم. هەوڵ و تێکۆشانی من، فێربوون و فێرکاریی ڕێنووسی کوردییە.

ئەم پۆستە خاوەنی بۆچوونێکە

  1. سابیر کەمەرخانی

    زۆر تایبەت و سەرنجڕاکێش

بۆچوونتان لە ژێرەوە بنووسن (بڵاوکردنەوە دوای پێداچوونەوەیە!):