بەسەرهاتی کاک “جۆنز” و کڵاوەکەی

وەرگێڕان لە ئینگلیسی: سابیر کەمەرخانی

کاک “جۆنز” چەن ڕۆژێک بێئیش بوو، بۆیە وتی: “من دەمەوێت بچم بۆ شاخ لەگەڵ شەمەندەفەر.”
باشترین جلوبەرگەکانی خۆی لەبەر کرد، توورەکە بچووکێکی ئامادە کرد و ڕۆیشت بەرەو ئێستگەی شەمەندەفەر و چووە نێو شەمەندەفەر.
دوای چەن خولەک شەمەندەفەرەکە بەڕێ کەوت. کاک “جۆنز” کڵاوێکی زۆر جوانی هەبوو. ئەو زۆر جار سەری خۆی له پەنجەرەی شەمەندەفەرکە دەخستە دەرەوە بۆ بینینی شاخ و لووتکەکان. بەڵام یەک جار با لە کڵاوەکەی دا و کڵاوەکە لە سەری کەوتە خوارەوە. کاک جۆنز بەخێرایی توورەکە بچووکەکەیشی لە پەنجەرەکەدا فڕێ دەدات.
خەڵکی نێو شەمەندەفەرکە پێ دەکەنین و پرسیاریان لێ کرد: “ئایا توورەکەکەت دەخوازێت کڵاوە جوانەکەت بگەڕێنێتەوە؟”
کاک جۆنز وتی: “نا، بەڵام هیچ ناونیشانێک لەگەڵ کڵاوەکە نییە. بەڵام لەنێو توورەکەکەمدا ناونیشانێک هەیە. بڕوام هەیە کە کەسێک کڵاوەکە و توورکەکە دەدۆزێتەوە و ئەوانە بۆ من دەنێرێتەوە.”

دەنگدان:

١ ئەستێرە٢ ئەستێرە٣ ئەستێرە٤ ئەستێرە٥ ئەستێرە

Loading…

سابیر کەمەرخانی

من پێشەنگم، خەڵکی کرماشان. زمانی کوردی ناسنامەی منە. دەمەوێت هەتا ئاخرین چرکەی ژیانم، خزمەت بکەم بە زمانی کوردی.

ئەم پۆستە بۆچوونێکی هەیە.

بۆچوونتان لە ژێرەوە بنووسن: